Mensahe

"Kasapulan ti A.N.A.K. tapno agsampaga ken agtalinaed ti literatura ken kultura ni Ilokana a tawidento dagiti sumaruno nga annak ni Saluyot. Isut' gapuna a kunaenmi, kas maysa a nanumo a mannurat, a saan a bale a matay ti bukodmi a pluma basta la ketdi mabiagmi dagiti pluma ti sabali." - RFAAFIL

A.N.A.K. TI RFAAFIL

Addang Nga Agayab Kamannurat, Awis Nga Agpaay Kailokuan [A.N.A.K.]

Ti sertipiko ti A.N.A.K. (Addang Nga Agayab Kamannurat, Awis Nga Agpaay Kailokuan) ti RFAAFIL ket maipaay ken ni agdadamo a mannurat. Ti A.N.A.K. ket isu ti tinawen a panagesponsor kadagiti agdadamo a mannurat tapno maikkanda iti libre a panagatendar (panagparehistro) iti kombension ti GUMIL Filipinas tapno umadu dagiti agbalin a mannurat a mangbiag iti lenguahetayo nga Ilokano. Dagiti agdadamo a mannurat ita, isudanto ti namnama para iti naraniag a masakbayan ti literaturatayo.

Donasion para iti A.N.A.K.

Awisenmi dagiti naayat a ninong wenno ninang a mangesponsor kadagiti agdadamo a mannurat tapno makadar-ayda iti libre (free registration fee) iti kombension nasional ti GUMIL Filipinas. Iti kasta, umadu dagiti mannurat a mangpasantak iti Literatura Ilokana.

Dagiti Esponsor iti 2010

Agyamankami kadagiti naayat a ninong ken ninang. Isuda da:

Jefferson Apolonio
Helen Kintana
Rochelle Mendoza
Agustin DC. Rubin
Tess Viduya
Prima Vistal