Topic: Pasalip
No libro koma, naikupinen ti 2009 ket naimaldit ditan dagiti pakasaritaan. Iti panagriknami, nakaparpartak ti ilalabas ti 2009. Agkurkurang ti orasmi. Restless ti biagmi. Biahe ditoy, biahe idiay. Trabaho ditoy, trabaho idiay. Kinarirmin sa pay ti nagbalin a drayber, videographer, photographer ken dadduma pay.
Komusta ti RFAAFIL iti 2009? Gapu iti panggep koma a panagakar iti pagtaenganmi iti Internet, saanmi unay a naasikaso ti website. Saanmi unay a nairakurak ti pasalip para iti 8th RFAAFIL. Namindua a nabisitami ti Bannawag - idi Mayo ken Oktubre - ngem saanmi nga ammo no nairakurakda met laeng ti pagannurotanmi.
Napasamak iti 2009 ti umuna a premio iti RFAAFIL a maibabawi. Adu dagiti naawatmi a reaksion ngem maysa laeng ti nangkontra kadakami. Adda pay nangited iti pammaneknek nga adda idin naibabawi a premio. Iti sabali a bangir, napintas daytoy a pasamak a mangipampaneknek a saankami a makibibiang iti pannakapili dagiti mapadayawan. Adda leksion ti 2009 kadakami, ad-adda pay nga igaedmi ti rinugianmi a gannuat, ad-adda a patangkenenmi ti gurongmi. [Maysa pay, madin sa ket daydiay agiparipiripkami kadagiti magustuan dagiti hurado, ta maipapanto manen a mangim-impluensiakami.]
Naiwaragawag iti umuna a gundaway ti A.N.A.K.. Nakita dagiti esponsor ti nakayawatan dagiti donasionda. Ala, bareng inton maminsan nga adda mapusgan nga A.N.A.K. nga agsarita ket saanna a malipatan a pagyamanan dagiti naayat nga esponsor.
Nanglukat met ti RFAAFIL ti facebook accountna. Adda nabirokanna nga esponsor iti ANAKna. Nadisidir ti sumaruno a tema ti mapagsasalipan.
Adu latta dagiti pammatibker nga e-mail a naawat ti RFAAFIL. Kas iti daytoy naadaw iti Bilingual Pen manipud iti Tawid News Magasin: "Ne, ta nalpas pay gayamen ti maikapito? Kayatna a sawen a naandur met ken nakaibtur iti kastoy a kapaut ti panawen ti Reynald F. Antonio Awards For Iluko Literature (RFAAFIL). Nabara a kablaaw ken ni Reynald kasta metten ken ni Tess a kaingungotna ta napingetda a mangtultulong iti irarangpaya ti Literatura Ilokana ken dakkel ti panagpuspusoda a mangtartarabay iti itatadem ti pluma dagiti mannurat lalo dagiti makisalsalip." - manipud ken ni Apo Jaime M. Agpalo, Jr.
Komusta ti RFAAFIL iti 2009? Gapu iti panggep koma a panagakar iti pagtaenganmi iti Internet, saanmi unay a naasikaso ti website. Saanmi unay a nairakurak ti pasalip para iti 8th RFAAFIL. Namindua a nabisitami ti Bannawag - idi Mayo ken Oktubre - ngem saanmi nga ammo no nairakurakda met laeng ti pagannurotanmi.
Napasamak iti 2009 ti umuna a premio iti RFAAFIL a maibabawi. Adu dagiti naawatmi a reaksion ngem maysa laeng ti nangkontra kadakami. Adda pay nangited iti pammaneknek nga adda idin naibabawi a premio. Iti sabali a bangir, napintas daytoy a pasamak a mangipampaneknek a saankami a makibibiang iti pannakapili dagiti mapadayawan. Adda leksion ti 2009 kadakami, ad-adda pay nga igaedmi ti rinugianmi a gannuat, ad-adda a patangkenenmi ti gurongmi. [Maysa pay, madin sa ket daydiay agiparipiripkami kadagiti magustuan dagiti hurado, ta maipapanto manen a mangim-impluensiakami.]
Naiwaragawag iti umuna a gundaway ti A.N.A.K.. Nakita dagiti esponsor ti nakayawatan dagiti donasionda. Ala, bareng inton maminsan nga adda mapusgan nga A.N.A.K. nga agsarita ket saanna a malipatan a pagyamanan dagiti naayat nga esponsor.
Nanglukat met ti RFAAFIL ti facebook accountna. Adda nabirokanna nga esponsor iti ANAKna. Nadisidir ti sumaruno a tema ti mapagsasalipan.
Adu latta dagiti pammatibker nga e-mail a naawat ti RFAAFIL. Kas iti daytoy naadaw iti Bilingual Pen manipud iti Tawid News Magasin: "Ne, ta nalpas pay gayamen ti maikapito? Kayatna a sawen a naandur met ken nakaibtur iti kastoy a kapaut ti panawen ti Reynald F. Antonio Awards For Iluko Literature (RFAAFIL). Nabara a kablaaw ken ni Reynald kasta metten ken ni Tess a kaingungotna ta napingetda a mangtultulong iti irarangpaya ti Literatura Ilokana ken dakkel ti panagpuspusoda a mangtartarabay iti itatadem ti pluma dagiti mannurat lalo dagiti makisalsalip." - manipud ken ni Apo Jaime M. Agpalo, Jr.
Posted by rfaafil
at 4:56 AM EST
