E-lokano Mail #311
Kunada a no adda imbag, sumaranget latta ti ublag. Ta ti kinadakes ti mangidadanes iti panagkikinnaawatan.
Iti ngarud maysa a situasion, masapul a timbangen ti kanawan ken kanigid ti pasamak tapno agbalanse ti timbangan. Ta no kitkitaen laeng ti kanigid, pangking ti timbangan. We failed to see the brighter side of the glass of water.
Ket, iti daytoy a situasion, agtakdertayo nga awan ti al-alaen wenno ay-ayonantayo!
Mainayonmi man daytoy. Iti pinakisalipko, dua a kameng ti hurado idi ti nangted iti umuna a rangko... ngem natinnag a maika-2 a gunggona. Dapat koma nga automatiko a naited ti umuna a gunggona. (I stand to be corrected.)
Ngem, inwalinmi dayta nga isyu ta raemenmi ti pangngeddeng dagiti hurado nangruna iti RFAAFIL. Ta iti tunggal tao, adda pagtaktakderan a mangtaginayon iti talek ken kredibilidad wenno binangonanna iti sangguanan ti publiko.
Kadagitoy a napagteng ita, saan laeng a ti RFAAFIL ti nakapasamakanna iti kas 'toy a saan a pannakaited dagiti gunggona. Kas pagaammo, napasamak ken mapaspasamak iti PALANCA. Uray pay iti kaliplippas a pasalip ti NCCA napasamak pay. Nasursurok pay ti NCCA ta uray koma laeng no maysa, awan!
Ngem, mga kamannuratanmi, saluduandakayo iti ridamyo a mangsursurot iti panagrang-ay ti bukodtayo a literatura. Saantayo koma nga ipalubos nga irawrawda ti bukodtayo a literatura iti danum no kas pagarigan aglalo kadagiti mangidadanes iti urnos ken panagkikinnaawatan!
