Ti RAAFIL Reader’s Choice Award ket pammadayaw iti sarita ken daniw a magustuan dagiti agbasbasa iti bukodda a panagraman. Napadayawan iti sertipiko ken cash prize a P3,000.00 ti “Ni Kanor ken Siak iti Taaw” a sarita ni Danilo B. Antalan idinto a sertipiko ken cash prize a P1,000.00 met ti “Mariknak ti Saem Dagiti Agarubos a Luam, Nanangko!” a daniw ni Agustin DC. Rubin para iti 2009. Nayawat dagiti pammadayaw iti 42nd GUMIL Filipinas Convention iti Pangil Beach Resort, Currimao, Ilocos Norte idi Abril 9, 2010.
Panagultuloy a pannakaputar dagiti de-kalidad a sinurat ken panagrang-ay ni mannurat, ti GUMIL ken ti Literatura Ilokana ti panggep a ragpaten ti RFAAFIL Reader’s Choice Award babaen ti ayat ken tulong dagiti agbasbasa. Padaanan ti 2010 RFAAFIL Reader's Choice.
