Naibasa dagiti napadayawan a Daniw a Para Ubbing ti 9th RFAAFIL iti maika-43 a Nailian a Kombension ti Gumil Filipinas.
Iti Salip iti Panagbasa iti Daniw a Para Ubbing (agtawen iti 9-10) nga inwayat ti GUMIL Filipinas bayat ti Dap-ayan 2011, inyalat ni Ralph Recto Calube ti Currimao, Ilocos Norte ti Umuna a Gunggona. Immawat ni Calube iti Sertipiko ken kuarta a P1,000.00. Napadayawan met ni Via Hannah Visaya ti Isabela iti Maikadua a Gunggona. Immawat daytoy iti Sertipiko ken P500.00.
Naiwayat ti nasao a pasalip tapno maparegta dagiti ubbing nga Ilokano nga agbasa iti nakayanakanda a pagsasao.
