Kablaaw kadagiti agdadamo a mannurat a naikkan iti sertipiko ti A.N.A.K. [Addang nga Agayab Kamannurat: Awis Nga Agpaay Kailokuan] ti RFAAFIL. Ti A.N.A.K. ket isu ti tinawen a panagesponsor kadagiti agdadamo a mannurat tapno maikkanda iti libre a panagatendar (registration) iti kombension ti GUMIL Filipinas tapno umadu dagiti mannurat a tumulong a mangpasantak iti Literatura Ilokana. Nangrugi ti A.N.A.K. ti RFAAFIL idi 2005.
Dagiti agdadamo a mannurat a naparaburan iti A.N.A.K. iti 2010: Ronnie Aguinaldo; Mark Anthony Ganotice; Bernard Lumaoig; Alma Martinez; Mighty Rasing; ken, Derick Marcel Yabes.
Pagyamanan ti RFAAFIL dagiti esposor iti ayatda a tumulong iti A.N.A.K.. Isuda da: Jefferson Apolonio, Helen Kintana, Rochelle Mendoza, Agustin DC. Rubin, Tess Viduya ken Prima Vistal. Saan nga agballigi daytoy a proyekto no awankayo nga esponsor. Agbiagkayo!
