Paset daytoy a pa-Trivia iti pannakaselebrar ti Maika-10 nga anibersario ti RFAAFIL iti masungad a tawen kas panagyamanna kadagiti readers a naayat a sumubsubaybay kadagiti pasamak ken bambanag mainaig iti RFAAFIL ken ti tinawen a pasalipna.
Pagannurotan:
- Silulukat ti RFAAFIL Trivia Contest kadagiti amin a tumabuno iti maika-45 nga anibersario ti GMM iti Disiembre 11, 2011 [malaksid ken ni Apo Ariel S. Tabag (ta ammona amin a pasamak iti RFAAFIL, ta naited kenkuana dagiti sungbat) ken kadagiti nagikissiimanna iti sungbat. ]
- 10 dagiti saludsod a masungbatan. Aramaten dagiti naited a CLUE tapno napartak ti agsungbat.
- Dagiti Top 5 highest scores ti mapadayawan iti umuna agingga iti maikalima a gunggona.
- Dagiti Premio: 1st – P1,200.00, 2nd – P1,000.00, 3rd – P800.00, 4th – P500.00 ken 5th – P500.00 a gatad ti SM gift certificate. [Narigat a bagkaten ti gift basket ngem iti papel. Makaammonto koma laengen ti mangabak a mangigatang iti premiona.]
- Kadagiti saan a mangabak, padaanan ti sumaruno a pa-Trivia ti RFAAFIL inton kombesion ti GF iti Kalgaw 2012.
RFAAFIL @ 10 - Trivia Questions:
Daniw kadi ti nailaga iti “Kanta iti Sab-ok ti Agpakadan a Malen” a sarita ni Agustin DC. Rubin a kaunaan a napadayawan iti RFAAFIL Reader’s Choice Award? [CLUE: Nasaem, naut-ot la unay.]
SUNGBAT:_____________________
Iti pasalip ti RFAAFIL iti tao ken ayup, lima dagiti napadayawan a sarita a nangtratar iti tao ken aso, pusa, nuang, kabalio ken ania nga ayup? [CLUE: Adda laeng iti asideg nga aglawlawmo daytoy nga ayup.]
SUNGBAT:_____________________
True or False: “Ti Pusak a Gusing” a napadayawan a daniw ni Derick Marcel F. Yabes ket naisalip iti tema maipanggep iti tao ken ayup. [CLUE: Naibasa ti daniw iti kallabes a GF Convention.]
SUNGBAT:________________
No tao koma a nayanak ti RFAAFIL, mano itan ti tawenna? [CLUE: Sukainan ti sungbat iti program.]
SUNGBAT:________________
Lima iti sarita ken lima met iti daniw dagiti mapadpadayawan iti tinawen a pasalip. Mano amin ti bilang dagiti napadayawan iti 8th RFAAFIL? [CLUE: Nababbaba ngem sangapulo.]
SUNGBAT:________________
Ti proyekto nga A.N.A.K. [Addang Nga Agayab Kamannurat: Awis Nga Agpaay Kailokuan] ket panangesponsor kadagiti agdadamo a mannurat tapno maikkanda iti libre a panagparehistro iti kombension nasional ti GUMIL Filipinas tapno umadu dagiti mannurat a mangpadur-as iti Literatura Ilokana. Mano ti bilang dagiti umuna nga A.N.A.K. ti RFAAFIL?
SUNGBAT:________________
Sapulem ti kulluong iti burayok ti puso.../ Sarukangam ti taeng iti kappia ti kaunggan.../ Itukitmo ti bin-i iti kapanagan ti isip.../ Kulluong... Taeng... Bin-i.../ Dagitoy ti aweng idiay Belen - /Pagubbogem 'ta biag ket ililinakanto ti samiweng! Ania ti paulo daytoy a daniw a nangabakan ni Jobert N. Pacnis iti Umuna a Gunggona?
SUNGBAT:_________________
Pito laeng daytoy kadagiti 10 a saludsod iti RFAAFIL Trivia Contest. Adda pagkaarngian dagitoy a saludsod iti aktual a maited iti pa-Trivia ti RFAAFIL iti GMM Christmas Party inton Disiembre 11, 2011.
Goodluck kadagiti amin a mapartisipar iti umuna a pa-Trivia ti RFAAFIL kas paset ti RFAAFIL@10 Celebration. Naragsak a Paskuayo Amin a taga-GMM!
