Enero 31, 2004

Apo Hurado,

Idanonmi ti nabara a kablaawmi kenka iti isasangbaymo ditoy lugar nga insaganami iti pannakapili dagiti sarita a mapadayawan iti RFAAFIL 2003-2004.

Kas gagangay a mapaspasamak kadagiti pasalip, agsasarak dagiti hurado iti personal. Iti napalabas a pasalip ti RFAAFIL, kasta met ti naaramid. Ngem ita a tawen, padasen ti RFAAFIL ti mangiwayat iti baro a wagas: saan nga agsasarak dagiti hurado iti personal. Nupay kasta, arigna agsasarakkayo met laeng iti personal ditoy pagtaengan ti RFAAFIL iti internet.

Kayatmi man nga ipakaammo a daytoy a lugar a simrekanyo ket naaladan a para laeng kadakayo a hurado tapno maaywanan ti kinatakneng ken kinadalus ti pasalip kangrunaanna ti kredibilidad ti RFAAFIL. Dawatenmi ngarud a basaenyo ti pagannurotan ken dagiti kalikagum nga ipakpakaasimi a masurot para iti pannakatungpal dagiti intuyangmi nga addang ken panagballigi ti pasalip.

No adda dagiti saludsod wenno bambanag a kayatyo a malawlawagan,  nawayakayo  a  mangipatulod.  Usaren laeng ti E-lokano Mail wenno iturong iti rfaafil@hotmail.com tapno naparpartak a dumanon ti mensaheyo kadakami.

Agyamankami unay iti naimpapusuan a panangawatyo iti pagrebbengan nga agtakem a hurado iti pasalip ti RFAAFIL.

Toy Sidadayaw,

RFAAFIL

Nasken nga orihinal, di pay naipablaak, di naadaw iti ania man a sinurat ken di pay nangabak iti ania man a salip iti panagsurat ti mabalin nga isalip

Panagsakripisio ti tema ti sarita a suraten ken ipakitana ti kultura ni Ilokano.

.

.