|
1. Agsasarak laeng dagiti hurado ditoy website ti RFAAFIL ket awanen sabali a lugar.
2. Agbalin a palimed ti kinasiasino dagiti hurado iti panawen ti panagpili. Adda parbo a nagan a mausar aglalo iti forum. Mabalin a mairakurakto dagiti pasamak ngem saanto nga i-identify ti RFAAFIL no asino ti hurado iti likudan dagita a parbo a nagan. Maiwaragawagto ti madaydayaw a nagan dagiti hurado iti GF Convention a pakapadayawan dagiti mangabak.
3. Saan a maiwaragawag dagiti rangko dagiti mapili a sarita sakbay ti GF Convention 2004. Mabalin ketdi a mairakurak a dagus dagiti 10 a mapili a sarita kasta metten ti pudno a nagan dagiti autor apaman nga addan resulta ti panagpili. Maigiddanto ngamin a mapadayawan ti mangabak iti RFAAFIL Reader's Choice.
4. Nasken a mangilanad iti forum ti kada hurado iti paniriganna, ababa man wenno atiddog, iti tunggal sarita a nakastrek iti TOP 10. No addanto man mapili ti RFAAFIL nga irakurakna a kritika wenno panirigan, irepresentarnanto dagita a kritika wenno panirigan a naggapu iti sibubukel a kapanunotan dagiti tallo a hurado a saan ket nga iti maymaysa laeng a hurado.
5. Ti tema ti pasalip ket panagsakripisio ngem agsipud ta naipablaak a di inggaggagara a ti tema ti pasalip ket maipanggep iti pamilia, maikkan koma iti konsiderasion ti sarita a nangsurat iti naud-udi a nadakamat a tema. Sabagay, ti sarita a mangtratar iti pamilia ket saan met unay nga umadayo iti tema ti panagsakripisio.
6. Nupay adda deadline a panagisubmitir kadagiti grado, pagyamananmi unay no nasapsapa nga ipatulod dagitoy ngem iti nasao a deadline. Dakkel a tulong iti maisagsagana a libro para iti Reader's Choice tapno mairuar sakbay a maited dagiti pammadayaw.
7. Ipatulod ni Apo Hurado ti e-mail addressna a pakakontakan ti RFAAFIL kenkuana.
. | 
