1. Saan nga agsasarak iti personal dagiti tallo a hurado. Saan a maibutaktak ti kinasiasinoda agingga iti aldaw a mapadayawan dagiti mangabak iti pasalip.

2. Maikkan dagiti hurado iti usarenda a parbo a nagan: Hurado Uno, Dos ken Tres. Saan ngarud a gamden a takuaten ni hurado no asino dagiti kaduana a hurado wenno ibagana ti takemna wenno kinasiasinona iti sabali. No adda iposte iti forum wenno ipatulod iti e-mail, nasken nga usaren wenno dakamatenna ti naited a parbo a naganna.

3. Nawaya ni hurado a mangaramat iti bukodna a pagrukodan iti panagpili kadagiti naisalip a daniw. Magraduan (a kangatuan ti 100% ket kababaan ti 0%) dagiti daniw babaen iti dayta a kriteria wenno pagrukodanna. Maigunamgunam ketdi a mangnayon ni hurado iti puntos manipud iti 5% agingga iti 10% a grado iti daniw a mairuknoy iti rfaafil.com.

4. Ipatulod dagiti grado babaen ti e-mail. Usaren ti E-lokano Mail wenno ipatulod iti rfaafil@hotmail.com.

5. Mamitlo nga aggrado dagiti hurado:

Umuna, magraduan amin dagiti daniw iti di naladladaw ngem Pebrero 28, 2005. Ti RFAAFIL ti mangtally ken agipaskil kadagiti maisubmitir a grado tapno mapili dagiti sumrek iti TOP 15.

Maikadua, magraduan laengen dagiti daniw a nakastrek iti TOP 15 iti di naladladaw ngem Marso 6, 2005. Ti RFAAFIL manen ti mangtally ken agipaskil kadagiti grado tapno mapili dagiti sumrek iti TOP 10.

Maikatlo, magraduan laengen dagiti daniw a nakastrek iti TOP 10 iti di naladladaw ngem Marso 13, 2005. Ti latta RFAAFIL ti mangtally ken agiposte kadagiti grado tapno mapili dagiti TOP 5.

No adda dagiti opinion para iti pagpigsaan wenno pagkapsutan ti maysa a daniw a kayat nga iburay ni hurado, ipaskilna laeng iti forum tapno mabasa ti kaduana a hurado.

6. Kalpasan ti panaggrado, irangko dagiti hurado no asino kadagiti TOP 5 a daniw ti mangabak iti umuna, maikadua, maikatlo, maikapat ken maikalima a pammadayaw. Nasken a mai-e-mail iti kabiitan a panawen kalpasan ti Marso 20, 2005.

7. No adda dagiti agpada wenno agtabla iti grado iti panagtally ti RFAAFIL wenno bambanag a nasken a maresolbaan, dagiti met laeng hurado ti mangngeddeng ken mangdesision.