Silulukat ti salip kadagiti amin a mannurat iti Iluko. Aggibus ti salip iti Enero 31, 2009.

Agatiddog ti sarita iti 10-20 a panid. Maimakinilia wenno maikompiuter iti doble espasio iti regular bond paper size. Maysa laeng a sarita ti isalip ti kada mannurat.

Ti parbo a nagan ti maaramat iti manuskrito a pakisalip. No ipatulod

____________________ TOPIKO: TAO KONTRA NAKAPARSUAAN #1. No agtudo, matuduan amin a tao. #2. Iyanud ti danum ti matmaturog nga udang. ____________________

babaen ti e-mail: dua a MS Word document files ti isubmitir. Umuna, ti sarita a pakisalip. Maikadua, ti parbo ken pudno a nagan ken ti pakasaritaan ti biag ti autor. No ipatulod babaen ti koreo: uppat a kopia ti isubmitir ken pakuyogan ti entry iti narikpan a sobre a naglaon iti paulo ti sarita, parbo ken pudno a nagan ken kabibiag ti autor. Ipatulod man babaen ti e-mail wenno koreo, nasken a mangiragpin ti autor iti palawag no kasano, kaano ken no apay a nasuratna dayta a sarita. Saan a basehan daytoy iti pannakapili ti saritana.

Maipanggep iti tao kontra nakaparsuaan ti sarita a suraten ken ipakitana ti kultura ni Ilokano.

Nasken nga orihinal, di pay naipablaak, di naadaw iti ania man a sinurat ken di pay nangabak iti ania man a salip iti panagsurat ti mabalin nga isalip.

Agbalin a kukua ti esponsor dagiti mangabak a sarita. Karbenganna pay ti mangedit ken mangipablaak iti Internet (www.rfaafil.com), magasin wenno periodikal a pilina, wenno mangilibro kadagitoy nga awan sungsungbatanna iti autor. Agtalinaed ketdi ti copyright iti autor.

Saan a mabalbaliwan ti desision dagiti hurado malaksid no matakuatan kalpasanna a linabsingna ti Pagannurotan Bilang 5. Iti kasta a panaglabsing, maibabawi ti gunggona ket saanto metten a mapalubosan ti autor a makisalip iti ania man a salip nga esponsoran ti RFAAFIL.

Dagiti gunggona: First Prize 10,000.00; Second Prize 7,000.00; Third

__________________ RFAAFIL Reader's Choice Pammadayaw iti sarita ni mannurat a magustuan dagiti readers. Gundaway dagitoy a tumulong ken makipagmuli iti panagdur-as ti Literatura Ilokana! __________________

Prize 5,000.00; Fourth Prize 3,000.00; Fifth Prize 2,000.00 ken mabalin nga adda maited a Consolation Prize depende iti pangngeddeng dagiti hurado. Addanto pay sertipiko a maited kadagiti mangabak. Maipaay met ti Reader's Choice Award iti sarita a magustuan dagiti readers.

Mapadayawanto dagiti mangabak iti GUMIL Filipinas Annual Convention inton kalgaw ti 2009.

Ipatulod ti pakisalip babaen ti e-mail: iturong iti rfaafil@hotmail.com ken admin@rfaafil.com. Babaen ti koreo: iturong iti SARITA ITI 7th RFAAFIL [2008-2009], c/o Cles B. Rambaud, Bannawag, Manila Bulletin Publishing Corporation, Manila Bulletin Building, Muralla corner Recoletos Sts., Intramuros, Manila.

Nasken a mai-e-mail wenno maikoreo ti pakisalip iti di naladladaw ngem ti petsa a panaggibus ti salip.