RFAAFIL 2003 READER'S CHOICE AWARD

REYNALD F. ANTONIO AWARDS FOR ILUKO LITERATURE

Home	E-lokano Mail	Guestbook	Q & A	Minipoll	Links	About Us

					www.rfaafil.com

Resulta iti RFAAFIL 2003 Reader's Choice Award.

______________________________________________

Panggep ti Reader's Choice Award

Panagtultuloy a pannakaputar dagiti dekalidad a sarita ken panagrang-ay ni mannurat, ti GUMIL ken ti Literatura Ilokana ti panggep a ragpaten ti RFAAFIL Reader's Choice Award.

RFAAFIL 2003 Reader's Choice Award

Daytoy ti lugar, website wenno link a naaramat iti panagbutos iti RFAAFIL 2003 Reader's Choice Award. Nailawlawag ditoy ti panggep, pagannurotan, saludsod ken sungbat kadagiti opinion ken paliiw iti daytoy a proyekto. Nairakurak dagiti sarita a mabutosan ngem naaladan ketdi tapno maaywanan ti kredibilidad ti pammadayaw nga iruknoy dagiti agbasbasa ken ni mannurat a magustuanda ti gapuananna.

Dagiti Sarita a Nabutosan

Nangrugi ti panagbutos idi Marso 17, 2003 ket nagpatingga idi Abril 25, 2003. Dagiti napili a lima a kapintasan a sarita iti pasalip ti RFAAFIL ti binutosan dagiti agbasbasa.

Ti Resulta

Saan a gagangay a free online voting ti napasamak. Adu dagiti agbasbasa a nagbutos laeng babaen ti RFAAFIL.COM Poll a saanda a sinurot ti talaga a pagannurotan. Saan ngarud a nairaman dagitoy a butosda. Ti RFAAFIL mismo ti nagipaskil kadagiti opisial a butos a naidatag.

Ania kadagitoy a sarita ti magustuam iti bukodmo a panagraman?

		% of votes
1.) Opcel Ken Chipmonk: Iti Lohika Ti Lasag		15%
2.) Dung-aw		18%
3.) Ti Sagu ni Ama Beren		21%
4.) "Sumasayyo"		19%
5.) Kanta Iti Sab-ok Ti Agpakadan a Malem		26%


	1	2	3	4	5

Winner: 26%

Ti Nangabak a Sarita

Nayawat ti pammadayaw ken ni mannurat iti kombension nasional ti GUMIL idiay Callao Caves Resort, Penablanca, Cagayan idi Abril 25-27, 2003.

Sarita: Kanta iti Sab-ok ti Agpakadan a Malem

Mannurat: Agustin DC. Rubin

Gunggona: P3,000.00 ken sertipiko

Basaen ti pakabuklan ti sarita.

Kuna Ti Nangabak a Mannurat

Nasuratko ti Kanta iti Sab-ok ti Agpakadan a Malem gapu iti naimatangak idi agtutuboak pay laeng a maysa nga ama ti nangitagbat iti adigi ti balayna ta saanna a kayat ti nangitaray iti anakna a balasang. Maysa pay nga ina ti nangipakilang iti anakna a balasang gapu ta sugador ti nakitarayanna. Naibugas pay iti sarita dagiti dadduma pay a nasabrak a galad ngem binalanse ti napintek a kababalin ni Ilokano. Sinuratko daytoy tapno agbalin a dukomento kadagiti agdama ken aglabas a tawen. Kasta met a mangted ti Kanta iti Sab-ok.... iti ulidan dagiti tattao a di nadiosan ti kababalinda.

Nagan Dagiti Readers a Nabunot

Danilo Antalan
Shiela Bernardino
Herman Cardenas
Robert James
Imelda Nesperos *
Vic Pacursa

* Isu ti maikatallupulo-ket-lima a nagrehistro a delegado iti kallabes a 35th Annual Convention ti GUMIL Filipinas. Inawatna ti premio a kas sukat ti imbayadna a registration fee.

Nasapulan ti Reader's Choice

Kalpasan ti apagsurok maysa a bulan a pannakaisayangkat ti RFAAFIL 2003 READER'S CHOICE AWARD, nayawat iti kalleppas a kombension nasional ti GUMIL ti sangkabassit a donasion a nasapulan daytoy a proyekto a mailatang a pundo ti GUMIL Filipinas. Ipeksa ti napalaus a panagyaman ti RFAAFIL kadagiti mannurat a nakisalip, kadagiti hurado, kadagiti rinibribu nga agbasbasa aglalo kadagiti nakipartisipar ken kadakayo amin a naayat a tumulong a mangpadur-as iti Literatura Ilokana.

___________________________________________

Reynald F. Antonio Awards for Iluko Literature

Home Forum E-lokano Mail Guestbook Q & A Poll Links About Us

THE 1st ILOCANO WEBSITE FOR SHORT STORY AND POETRY WRITING CONTEST!