RFAAFIL 2004 READER'S CHOICE AWARD

REYNALD F. ANTONIO AWARDS FOR ILUKO LITERATURE

Home	E-lokano Mail	Guestbook	Q & A	Minipoll	Links	About Us

					www.rfaafil.com

Resulta ti RFAAFIL 2004 Reader's Choice Award.

______________________________________________

Panggep ti Reader's Choice Award

Panagtultuloy a pannakaputar dagiti dekalidad a sarita ken panagrang-ay ni mannurat, ti GUMIL ken ti Literatura Ilokana ti panggep a ragpaten ti RFAAFIL Reader's Choice Award.

RFAAFIL 2004 Reader's Choice Award

Daytoy ti lugar, website wenno link a naaramat iti panagbutos iti RFAAFIL 2004 Reader's Choice Award. Nailawlawag ditoy ti panggep, pagannurotan, saludsod ken sungbat kadagiti opinion ken paliiw iti daytoy a proyekto. Nairakurak dagiti sarita a mabutosan ngem naaladan ketdi tapno maaywanan ti kredibilidad ti pammadayaw nga iruknoy dagiti agbasbasa ken ni mannurat a magustuanda ti gapuananna.

Dagiti Sarita a Nabutosan

Nangrugi ti panagbutos idi Marso 18, 2004 ket nagpatingga idi Abril 17, 2004. Dagiti napili a lima a kapintasan a sarita iti maikadua a pasalip ti RFAAFIL ti binutosan dagiti agbasbasa.

Ti Resulta

Saan a gagangay a free online voting ti napasamak. Adu dagiti agbasbasa a nagbutos laeng babaen ti RFAAFIL.COM Poll a saanda a sinurot ti talaga a pagannurotan. Saan ngarud a nairaman dagitoy a butosda. Nakipartisipar met dagiti agbasbasa nga awan aksesna iti internet babaen ti panangsuportada iti sarita a magustuanda iti libro a SAGUT: Dagiti 10 a Kapintasan a Sarita iti RFAAFIL 2002-2004.

Ti RFAAFIL mismo ti nagipaskil kadagiti opisial a butos a naidatag. Kitaen ti resulta iti baba.

Ania kadagitoy a sarita ti magustuam iti bukodmo a panagraman?

		% of votes
Duayya ti Ayat iti Binakul nga Ules		21%
Bukod a Daga		7%
Dagiti Nalusak a Karabasa ken Tabungaw		14%
Maysa a Linabag ti Biag ni Segundina De Dios		47%
Kari ti Parbangon nga Apagsipasip		11%


	2	5	3	1	4

Winner: 47%

Ti Nangabak a Sarita

Nayawat ti pammadayaw ken ni mannurat iti kombension nasional ti GUMIL idiay National Press Club, Intramuros, Manila idi Abril 18, 2004.

Sarita: Maysa a Linabag ti Biag ni Segundina

Mannurat: Francisco T. Ponce

Gunggona: P3,000.00 ken sertipiko

Basaen ti pakabuklan ti sarita.

Kuna Ti Nangabak a Mannurat

"Napintas ti READER'S CHOICE AWARD nga insayangkat ti RFAAFIL. Maysa nga addang tapno makipartisipar dagiti rinibu nga agbasbasa a mangrukod iti karirikna ken kapanunotanda kadagiti napili a sarita. Kunaek nga agduduma dagitoy a karirikna ken kapanunotanda ket agtalinaed daytoy a kalintegan ti maysa nga agbasbasa iti bukodna nga opinion.

Kablaawak ngarud dagiti agbasbasa a makiparpartisipar iti RFAAFIL READER'S CHOICE AWARD ta isuda ti instrumento iti panagballigi daytoy a gannuat.

Agyamanak met kadagiti nakipartisipar iti panangpilida iti saritak a MAYSA A LINABAG TI BIAG NI SEGUNDINA DE DIOS a nangliwliwa kadakuada tapno daytoy a sarita ti mapadayawan iti RFAAFIL 2004 READER'S CHOICE AWARD."

Dagiti Nangabak iti Raffle Draw

Kas panagyaman ti RFAAFIL kadagiti agbasbasa a nakipartisipar iti Reader's Choice, adda paripa a naaramid. Naibabaet a nayawat dagiti premio kadagiti nagasat nga agbasbasa iti GF Convention, NPC-Intramuros, Manila idi Abril 16-18, 2004. Daytoy ti kompleto a listaan ti naganda kasta metten ti pilida a sarita.

NAGAN	NAPILI A SARITA
Fernando Sanchez	Maysa a Linabag (100 pts.)
Mindo Aquino	Dagiti Nalusak (100 pts.)
Rogie Baysa	Dagiti Nalusak (100 pts.)
Emma Sol. Pasion -Aguinaldo	Bukod a Daga (50 pts.), Duayya ti Ayat (50 pts.)
Cecilio Tenoso	Duayya ti Ayat (100 pts.)
Dexter Fabito	Kari ti Parbangon (60 pts.) Maysa a Linabag (40 pts.)
Rolly Jara	Duayya ti Ayat (100 pts.)
Freddie Lazaro	Bukod a Daga (100 pts.)
Marjunette Manzano	Kari ti Parbangon (50 pts.) Duayya ti Ayat (50 pts.)
Jackie Acoba-Ver	Dagiti Nalusak (100 pts.)
Milagros Renon	Maysa a Linabag (100 pts.)
Ernel Segundo	Maysa a Linabag (100 pts.)
Djuna Alcantara	Kari ti Parbangon (100 pts.)
Freddie Masuli	Maysa a Linabag (60 pts.) Kari ti Parbangon (40 pts.)
Cres Alcantara*	Maysa a Linabag (100 pts.)
* Isu ti napagasatan a nangabak iti grand prize.

Base iti butos dagiti sangapulo ket lima a nangabak iti paripa, irepresentarna met laeng ti sibubukel a resulta ti Reader's Choice.
     Maysa a Linabag   (500 pts.)
     Duayya ti Ayat     (300 pts.)
     Dagiti Nalusak      (300 pts.)
     Kari ti Parbangon  (250 pts.)
     Bukod a Daga       (150 pts.)

Gapuanan ti Reader's Choice

Iti pannakaisayangkat ti RFAAFIL 2004 READER'S CHOICE AWARD babaen ti tulong dagiti agbasbasa, namindua a beses a ti RFAAFIL ti naghost iti meeting ti GUMIL Filipinas. Nayalnag met ti libro a SAGUT a nakaitalimengan dagiti 10 a Kapintasan a Sarita iti RFAAFIL 2003-2004. Naikkan dagiti mannurat a nairaman iti libro ti libre a kopiada iti SAGUT. Ipeksa ti napalaus a panagyaman ti RFAAFIL kadagiti mannurat a nakisalip, kadagiti hurado, kadagiti rinibribu nga agbasbasa aglalo kadagiti nakipartisipar ken kadakayo amin a naayat a tumultulong a mangpadur-as iti Literatura Ilokana.

Kadagiti mayat nga agorder iti libro a SAGUT, agsuratkayo laeng kadakami.

Bayad ti maysa a kopia ti libro:
Iti Pilipinas: PHP99.00 + postage
Iti abroad : US$ 2.00 + shipping

_________________________________________

Reynald F. Antonio Awards for Iluko Literature

Home Forum E-lokano Mail Guestbook Q & A Poll Links About Us

THE 1st ILOCANO WEBSITE FOR SHORT STORY AND POETRY WRITING CONTEST!