|
Dagiti palawag ken sungbat ti RFAAFIL
kadagiti saludsod ken bambanag a kayat a malawlawagan.
________________________________________
 
Maysaak kadagiti
mannurat a natinnag ti pakisalipna gapu ta naglabsing iti panid, saan kadi a mabalin a naat-atiddog koma koma ngem iti 15
a panid tapno adda met naan-anay a pangbinnatanmi iti suratenmi a sarita?
RFAAFIL: Iti baro a pagannurotan para iti
pasalip iti tawen 2004-2005, agatiddog ti pakisalip iti 10 agingga iti 20 a panid. Napanunotmi nga iyatiddog ti panid ta masayangankami
la unay kadagiti sarita a nadisqualify iti napalabas a pasalip. Sapay koma ta saanton a mapasamak daytoy a panaglabsing iti
panid kadagiti masungad a pasalip.
Nabasakon ti sibubukel a pagannurotan ti
RFAAFIL ngem saan met a nadakamat no kasapulan ti mangiragpin iti ladawan iti pakisalip, kayatna kadi a sawen nga uray awanen
maisubmitir a ladawan?
RFAAFIL: Wen, talaga a saanmi a dawdawaten
ti ladawan ni mannurat a makisalip tapno di pay isu a pagparikutanna. Makaammonton ti RFAAFIL a mangdawat iti ladawan ti mannurat
a mapili ti saritana aglalo no mailibronto dagitoy a sarita wenno maikabil iti website.
| 
