Silulukat ti salip kadagiti amin a mannaniw iti Iluko.

Agatiddog ti daniw iti di ab-ababa ngem 20 a linia ken naikompiuter wenno naimakinilia iti maysa a panid ti bond paper. Mabalin a maysa wenno dua a daniw ti isalip ti kada mannaniw. Masapul nga orihinal ken di pay naipablaak iti uray ania a magasin, pagiwarnak wenno Internet.

Nawaya ni mannaniw a mangsurat iti estilo wenno pannakasukog ti daniwna. Nawaya pay a mangpili iti temana ngem nasaysayaat no ti daniw ket maipanggep iti tao kontra nakaparsuaan.

Adda karbengan ti esponsor a mangilibro wenno mangipablaak iti daniw

_____________________ TOPIKO: TAO KONTRA NAKAPARSUAAN #1. No agtudo, matuduan amin a tao. #2. Iyanud ti danum ti matmaturog nga udang. _____________________

iti magasin wenno iti internet a pilina nga awan sungsungbatanna iti mannaniw. Agtalinaed ketdi ti copyright iti autor.

Ti laeng parbo a nagan ni mannaniw ti agparang iti daniw. Mabalin a mangusar iti agsabali a parbo a nagan no panggepna ti mangisalip iti dua a daniw. No ipatulod ti pakisalip babaen ti e-mail: dua a MS Word document files ti isubmitir. Umuna, ti daniw a pakisalip. Maikadua, ti pudno ken parbo a nagan ken ababa a pakasaritaan ti biag ti autor. No ipatulod babaen ti koreo: uppat a kopia ti isubmitir ken pakuyogan ti entry iti narikpan a sobre a naglaon iti paulo ti daniw, parbo ken pudno a nagan ken kabibiag ti autor.

Saan a mabalbaliwan ti pangngeddeng dagiti hurado. Maibabawi ketdi ti premio ti mangabak no matakuatan kalpasanna a linabsingna ti Pagannurotan Bilang 2.

Dagiti gunggona: Umuna, P2,000.00 ken sertipiko; Maika-2, P1,500.00 ken sertipiko; Maika-3, P1,000.00 ken dua a consolation prize a sag-P500 ken sertipiko. Mabalin a mangabak ni mannaniw iti dua a premio. Maipaay met ti Reader's Choice Award iti daniw a magustuan dagiti readers.

Mapadayawanto dagiti mangabak iti GUMIL Filipinas Annual Convention inton kalgaw ti 2009.

Ipatulod ti pakisalip babaen ti e-mail: iturong iti rfaafil@hotmail.com ken admin@rfaafil.com. Babaen ti koreo: iturong iti DANIW ITI 7th RFAAFIL [2008-2009], c/o Cles B. Rambaud, Bannawag, Manila Bulletin Publishing Corporation, Manila Bulletin Building, Muralla corner Recoletos Sts., Intramuros, Manila.

Nasken a mai-e-mail wenno maikoreo ti pakisalip iti di naladladaw ngem Enero 31, 2009.